पोर्न सामाग्री बनाउने र बिक्री गर्ने सुराक पाएसँगै राज कुन्द्रालाई जब मुम्बइमा प्रहरीले पक्राउ गर्यो, भारतीय मिडियामा ठूलो हलचल पैदा भयो ।
राज कुन्द्रा सामान्य व्यक्ति हुँदा हुन् त यो मुद्दा यति सनसनीपूर्ण बन्ने थिएन । किनभने उनको नामसँग बलिउड जोडिएको छ । अभिनेत्री शिल्पा शेट्टीको श्रीमान भएको नाताले पनि उनको यो कृत्यले तुफान ल्याएको हो ।
तर, उनी शिल्पा सेट्टीका श्रीमान मात्र पनि होइनन्, भारतका नामी व्यवसायी एवं धनाढ्य पनि हुन् । विश्वचर्चित फ्रेन्चाइज क्रिकेट प्रतियोगिता (आईपीएल) को एक टिमका मालिक उनी ठूलो कारोबारीमा गनिन्थे । सन् २०० मा सक्सेज पत्रिकाले उनलाई ब्रिटेनका सबैभन्दा धनी एशियाली मूलका व्यक्तिको सूचीमा राखेको थियो । उक्त सूचीमा उनी १९८ औं नम्बरमा थिए । त्यसबेला राज मात्र २९ बर्षका थिए ।
शिल्पाको आदर्श परिवारको सत्य
शिल्पा सोसल मिडियामा एकदमै सक्रिय छिन् । उनलाई श्रीमान राजले पनि साथ दिने गरेका छन् । उनीहरुको दुई साना बच्चा छन् । हाँसीखुसी परिवार ।
उनीहरुको परिवार भारतको मध्यमवर्गका लागि एक आदर्श परिवार देखिन्छन् । भव्य घर, आरामदायी गाडी, मनग्ये ब्याङ्क ब्यालेन्स । इन्स्टाग्राममा भिडियो बनाउने समय छ, देश–विदेश घुम्ने फुर्सद छ । साथसाथै पैसा पनि ।
अर्थात उनीहरुसँग ती सबैकुरा छ, जो भारतका हरेक परिवारको सपना हो । उनीहरुलाई देखेर मान्छेहरुले भन्दा हुन्, ‘जिन्दगी भनेको त यस्तो होस् ।’ शानदार र सुखद परिवार ।
त्यती मात्र होइन, सोसल मिडियामा शिल्पा सेट्टी र राज कुन्द्रा हाँसोठट्टा गरिरहेको भिडियो देख्दा मान्छेहरुलाई लाग्छ, श्रीमान र श्रीमती त यस्तो हुनुपर्छ । किनभने सोसल मिडियामा यिनीहरु आफ्नो जीवनको हरेक पलमा आनन्द लिइरहेका देखिन्छन् । तर, बाहिर देखिए जस्तो संसार हुँदैन ।
गुपचुप गुपचुप राज कुन्द्राले पोर्न फिल्म बनाइरहेको भन्दै प्रहरीले उनलाई पक्राउ गरेको छ । भारतमा उनी अश्लिल भिडियो तयार गर्ने र विदेशमा बिक्री गर्ने गरेको प्रहरीको दावी छ ।
यो पनि पढ्नुहोस
शिल्पा सेट्टीका श्रीमानमाथि पोर्न फिल्म बनाउने र बेच्ने आरोप, मध्यरातमा पक्राउ
राज कुन्द्रा माथि आरोप
राज कुन्द्राले केही ओटिटी प्लेटफर्म र मोबाइल फोन एप्सका लागि अश्लिल फिल्म बनाएर लाखौं रुपैयाँ कमाए । पैसाप्रतिको यो मोह कमी भएन अन्तत उनी प्रहरीको फन्दामा परे ।
यस विषयमा शिल्पा सेट्टीमाथि पनि खोजतलास गर्न सक्नेछ । यी सबै देखेपछि मान्छेलाई लाग्नेछ, सबैकुरा भएर पनि उनीहरुलाई यस्तो धन्दा चलाउन के जरुरी थियो ?
राज कुन्द्रामाथिको आरोपले उनकी श्रीमती शिल्पा र परिवारलाई पनि अप्ठ्यारो स्थितिमा पुर्याइदिएको छ ।
राज कुन्द्राको धन्दा
मुम्बई पुलिसको क्राइम ब्रान्चले यसै बर्षको फेब्रुअरीमा अश्लील फिल्म बनाउने र त्यसलाई एक मोबाइल फोन एपमा अपलोड गरेको आरोपमा ९ जनालाई पक्राउ गरेको थियो । यसै घटनाबाट राज कुन्द्राको धन्दाबारे सुइँको पाएको प्रहरीको भनाइ छ ।
अघिल्लो रात मुम्बई प्रहरीले राज कुन्द्रालाई सोधपुछका लागि बोलायो । सोधपुछपछि उनलाई पक्राउ गरियो । प्रहरीका अनुसार राज कुन्द्रा र उनका टिमले महिलालाई वेब सिरिजमा रोल दिने लोभ देखाउथे र उनीहरुलाई अश्लील काम गर्न लगाउथे ।
राज कुन्द्रासँगै पक्राउ परेका छन् उनीहरुमध्ये केही स्ट्रिमिङ प्लेटफर्मका मालिक हुन्, जसको सब्सक्रिप्सन लिएर मान्छेले अश्लील फिल्म हेर्न सक्थे । यस्तै एक स्ट्रिमिङ प्लेटफर्मसँग राज कुन्द्राको पनि कनेक्सन छ । यसै आधारमा उनी पक्राउ परेका हुन् ।
गएको बर्ष राज कुन्द्राको नाम यस्तै काण्डमा जोडिएको थियो । त्यो मुद्दा अदालतमा पुगेको छ । त्यसबेला भने उनले जमानतमा उम्कन पाएका थिए । आउने हप्ता अदालतमा त्यसको सुनुवाइ हुँदैछ ।
यदि राज कुन्द्रामाथि लगाइएको आरोप सत्य ठहरिएमा उनलाई पाँच वर्षको जेल सजाय हुनसक्छ । साथै भारु दश लाख रुपैयाँको जरिवाना तिर्नुपर्ने हुन्छ ।
घटनाको सिलसिला
यसै बर्षको फेब्रुअरीमा मुम्बई प्रहरीले अभिनेत्री गहना वशिष्ठलाई अश्लिल फिल्म बनाउने र यसलाई मोबाइलमा अपलोड गर्ने आरोपमा पक्राउ गर्यो । पाँच महिना जेलमा बसेपछि गहना वशिष्ठ जमानतमा छुटिन् ।
गहना वशिष्ठसँग उमेश कमात नामको एक व्यक्ति पनि पक्राउ परेका थिए, जुन कुनैबेला राज कुन्द्रको एक कम्पनीमा काम गरेका थिए । प्रहरीले सोधपुछ गरेपछि यो धन्दामा राज कुन्द्रा पनि संलग्न भएको उनले कुरा चुहाए ।
जब प्रहरीले जाँच अगाडि बढाए तब थाहा भयो कि यिनीहरु अश्लिल फिल्म बनाएर त्यसलाई एक मोबाइल एपमा अपलोड गर्थे, जसका मालिक थिए राज कुन्द्रा ।
यस एपमा अपलोड भएको अश्लिल कन्टेन्ट विदेशमा देखाउने जिम्मा केनरिन लिमिटेड नामको कम्पनीसँग थियो । उक्त कम्पनीको मालिकको नाम प्रदीप बख्सी हुन् उनी राज कुन्द्राका नातेदार हुन् ।
प्रहरीका अनुसार भारतको कानुनबाट बच्नका लागि उनीहरुले यस कम्पनी ब्रिटेनमा दर्ता गराएका थिए ।
राज कुन्द्राको भनाइ अनुसार यस एप उनले २५ हजार डलर अर्थात भारु १९ लाख रुपैयाँमा केनरिनका मालिक प्रदीप बख्सीलाई बेचिसकेका छन् ।
तर, राज कुन्द्राले भारतको कानुनबाट उम्कनका लागि मात्र यो एप बिक्री गरेको दावी गरिरहेको पाइन्छ । किनभने यस एपको मार्केटिङको जिम्मेवारी राज कुन्द्राको कम्पनी आर्म्स प्राइम मिडिया प्राइभेट लिमिटेडसँग छ । प्रहरीका अनुसार राज कुन्द्राको अश्लिल फिल्म स्ट्रिमिङ गर्ने यस एपबाट हरेक दिन भारु दुईदेखि तीन लाख रुपैयाँसम्म कमाइ गर्थे ।
यस एपको बिक्री र त्यसबाट हुने मुनाफामा निगरानी राख्नका लागि राज कुन्द्राले एचएस नामबाट वाट्सऐप ग्रुप पनि बनाएका थिए, जसको एडमिन स्वयम् राज कुन्द्रा थिए । केनरिन लिमिटेडका मालिक प्रदीप बख्शी पनि यस वाट्सऐप ग्रुपका एक सदस्य थिए ।
यही ह्वाट्सएप गु्रपका केही च्याट पनि बाहिरिएको छ । त्यसमध्ये एक च्याटमा राज कुन्द्राले यसको मुनाफाप्रति खुसी व्यक्त गरेका छन् । जब घाटा लाग्न थालेको छ, तब चिन्ता व्यक्त गरेका छन् ।
आरोप छ, राज कुन्द्राले यो अश्लिल फिल्म धन्दाका लागि आठदेखि दश करोड रुपैयाँको लगानी गरेका छन् । उनले यो कारोबारलाई अरु अगाडि बढाउन चाहन्थे ।
यसै मुद्दामा आरोपी गहना वशिष्ठका अनुसार उनी राज कुन्द्रासँग मिलेर अश्लिल फिल्म होइन, केवल एक कन्टेन्ट बनाउन चाहन्थिन् । यो एडल्ट कन्टेन्ट हुन्थ्यो र १८ बर्षभन्दा माथिकाले हेर्न सक्थे । उनी भन्छिन्, यदि उनको कन्टेन्ट अश्लिल हो भने टेलिभिजन उद्योगका ठूला ठूला निर्मातामाथि पनि कारवाही हुनुपर्छ ।’
राज कुन्द्रा जसले नेपाली पश्मिनाबाट भाग्य चम्काए
राज कुन्द्राका पिता बालकृष्णन कुन्द्रा केही बर्ष पहिले लन्डन गएका थिए । उनी सुरुमा कटन उद्योगमा काम गरे । त्यसपछि बसको कन्डक्टर बने । लन्डनमा नै राज कुन्द्राको जन्म भयो । १८ बर्षको उमेरमा राज कुन्द्रालाई उनका पिताले आफु स्वयम् काम गर्ने सल्लाह दिए ।
त्यसपछि पिताको पैसा लिएर उनी दुबई गए, फेरि नेपाल आए । उनलाई पश्मिना सलको व्यापार गर्ने आइडिया आयो । राज कुन्द्राको व्यवसायिक दौड नेपालबाट सुरु हुन्छ । सन् १९९४ मा उनी नेपाल आए । एक कन्टेनर पश्मीना शल लगे । उक्त शल ब्रिटिश फेसन हाउसमा सप्लाई गरे । पहिलो बर्षमा नै उनले करिब दुई करोड पाउन्डको फाइदा कमाए ।
यसरी सुरु भएको व्यापार घरजग्गा कारोबार हुँदै विभिन्न क्षेत्रमा फैलाए । दुबईबाट हिराको व्यापार गरे ।
उनले अभिनेत्री शिल्पा शेट्टीसँग विवाह गरे । यो उनको दोस्रो विवाह थियो । उनीहरु आईपिएलको एक टिम राजस्थान रोयल्सको मालिक बने । तर, पछि आइपिएलमा सट्टेबाजी गरेको आरोपमा उनको टिमलाई दुई बर्षको प्रतिबन्ध लगाइयो । केही समयपछि उनले राजस्थान रोयल्सको आफ्नो हिस्सा बिक्री गरे ।
शिल्पा र कुन्द्राले अर्को कम्पनी चलाए, सतयुग गोल्ड प्राइभेट लिमिटेड नामको । यस कम्पनीले विदेशमा रहेका भारतीयलाई ठगी गरेको आरोप लाग्यो । २०१५ मा राजले बेस्ट डिल टिभी नामको एक टेलिभिजन च्यानल सुरु गरे, जो पछि बन्द भयो । राजको लागि व्यवसायिक दौड त्यति सजिलो भने थिएन । उनले केवल भारु डेढ लाखको पूँजीबाट आफ्नो व्यापार सुरु गरेका थिए ।
