टिभिएस एनटर्क रेसको परिर्माजित संस्करण सार्वजनिक भएको छ। नेपालका लागि टिभिएसको आधिकारिक वितरक जगदम्बा मोटर्सले आइतबार भर्चुअल कार्यक्रममार्फत टिभिएस एनटर्क रेस ट्युन्ड एफआई सार्वजनिक गरेको हो।
एनटर्क सिरिजअन्तर्गतको यो स्कुटरमा बिएस ६ मापदण्डको आरटी एफआई इन्जिन जडान गरिएको छ। कम्पनीले यो एफआई इन्जिनभन्दा राम्रो हुने दाबी गरेको छ। यसमा भएको १२५ सिसी क्षमताको आरटिएफआईले अधिकतम ९.२५ बिएचपी पावर र १०.५ एनएमको टर्क जेनेरेट गर्छ।
टिभिएस एनटर्क १२५ पुरा डिजिटल स्पिडोमिटर सहित ब्लुटुथ भएको पहिलो स्कुटर हो। जसमा नेभिगेसन असिस्टेन्ट, कलर आइडी, स्पिड रेकर्डर, इन–बिल्ट ल्याप–टाइमर, सर्भिस रिमाइन्डर, इन्जिन किल स्विच र स्टिल्थ इन्स्पायर्ड स्टाइलिङ, २० लिटर क्षमताको डिकी स्पेस, एलइडी टेल लाइटलगायत विशेषताहरू छन्।
यसमा मल्टी राइड स्टाटिक मोड पनि छन्। जसअन्तर्गत स्ट्रिट र स्पोर्ट पर्छन्। त्यस्तै यो नयाँ एनटर्कमा ५.८ लिटरको फ्युल ट्याङ्क छ।
नेपाली बजारमा एनटर्क लोकप्रिय बनेपछि ग्राहकहरूको मागअनुरुप कम्पनीले एनटर्क रेस ट्युन्ड एफआई सार्वजनिक गरेको बताएको छ। यसले ‘बेस्ट इन पावरः पिक–अप, पावर, पर्फमेन्स बेटर देन एफआई’ नारासँगै स्कुटर सार्वजनिक गरेको हो।
स्कुटर सार्वजनिक गर्न जगदम्बा मोटर्सका उप–सभापति दिपक अग्रवाल, कम्पनीका महाप्रबन्धक दिपक रौनियार र टिभीएस एनटर्क स्कुटरको ब्रान्ड एम्बेसडर अभिनेता प्रदिप खड्का र अभिनेत्री स्वस्तिमा खड्काका उपस्थित थिए।
आरटीएफआई टेक्नोलोजी विशेष रूपमा सबै ड्राइभिंग सर्तहरूमा एक रमाइलो रेसिंग अनुभवहरुको सुनिश्चित गर्नका लागि डिजाइन गरिएको हो । टिभीएस एनटर्क नेपालकै सर्बाधिक बिक्रि हुने १२५ सिसि पि्रमियम स्कुटरको रुपमा स्थापित भएको छ ।
टिभीएस एनटर्क १२५ स्कुटर उद्योगको कनेक्टिविटी, उर्जा, र शैलीको नयाँ युगमा शुरू भयो। बीएसभीआई एडिसनले राम्रो प्रदर्शन र एक स्मुथ सवारी अनुभवको साथ यसलाई पुनः परिभाषित गर्नेछ। नयाँ एडिसनले स्कूटरको लागि ५.८.लिटरको फ्युल ट्यांक प्रदान गर्दछ ।
टिभीएस मोटर कम्पनीका अन्तर्राष्ट्रिय बिजिनेश, अध्यक्ष आर दिलीपले भने,’टिभिएस एनटर्क १२५ ले जेनेरेशन जेडको लागि रोचक, शक्तिशाली, जोडिएको अनुभव सिर्जना गरेर नेपालमा स्कूटर उपभोक्ताहरूको अपेक्षालाई नयाँ परिभाषा दिएको छ । यो नेपालमा सबैभन्दा धेरै मन पराइएको र स्वीकृत स्कूटर ब्रान्डको रूपमा चिनिएको छ । बीएसभीआईमा ट्रानजिसनको साथ, हामीले यस अवसरमा दुई एफआई टेक्नोलोजी प्लेटफार्महरू परिचय गराउने अवसर लिएका छौं। टिभिएस एनटर्क १२५ एक मात्र यस्तो स्कूटर हो, जुन आरटीएफआईप्लेटर्फमको साथ सुसज्जित रहेको छ। उत्कृष्ट प्रदर्शन र राम्रो वास्तविक थ्रोटलको पनि यसमा उपलब्ध छ । प्रमुख रुपमा रहेको सवारी अनुभव, जुन स्कूटरको रेसिंग विरासतको प्रमाण हो,यसले हाम्रा युवा ग्राहकहरूलाई बजारमा उत्साहित पार्नेछ ।’
जगदम्बा मोटर्सका प्रबन्ध निर्देशक शाहिल अग्रवालले भने,’आज टिभिएस एनटर्क १२५ बीएसभीआईलाई नेपालमा ल्याउन पाउँदा हामी निकै खुसी छौं । स्मार्ट स्कूटर आरटीएफआई समावेशको साथ एक बेस्ट-इन-क्लास स्वामित्वको अनुभव सिर्जना गर्न डिजाइन गरिएको हो। यो लन्च टिभिएस एनटर्क १२५ को अनुभवमा निर्माण गरिएको हो र हामी हाम्रा युवा ग्राहकहरूको लागि सुरु देखि अन्त सम्मको अनुभव सिर्जना गर्न प्रतिबद्ध छौं।ू
टिभिएस एनटर्क रेस ट्युन्ड एफआई सार्वजनिक भएसँगै टिभिएस एनटर्क १२५ पाँच भेरियन्टमा उपलब्ध हुनेछः डिस्क, ड्रम, रेस एडिसन, रेस एडिसन (बिएस–६ एफआई) र सुपरस्क्वाड एडिसन।
यी स्कुटरहरू म्याट रेड, मेटालिक ग्रे, मेटालिक रेड र मेटालिक ब्लु रंगमा उपलब्ध छन्। रेस एडिसन (बिएस–६ एफआई) रातो र कालो, पहेंलो र कालोको मिश्रित रंगमा उपलब्ध हुनेछ भने सुपर स्क्वाड एडिसन कम्ब्याक्ट ब्लु, इन्भिन्सिबल रेड र स्टेलिथ ब्याकमा उपलब्ध छ।
