१७ भदौ, काठमाडौं । विवकेशील साझा पार्टीका संयोजक मिलन पाण्डे पक्षले न्याय तथा सुशासन आयोग बनाउने प्रक्रिया थाल्ने निर्णय गरेको छ । त्यसका लागि कार्यविधि आवश्यक पर्ने भएकाले सचिवालय सदस्य आशुतोष तिवारीको संयोजकत्वमा मस्यौदा समिति बनाउने निर्णय भएको सञ्चार विभाग उपप्रमुख हरिश भट्टले बताए ।
विवेकशील साझामा कसैलाई कारबाहीको निर्णय गर्नु परे न्याय तथा सुशासन आयोगले गर्ने भनिएको थियो । बैठकमा अध्यक्ष मिश्र पक्षले रोकेको पार्टीको विधान पारित गर्ने विषयमा पनि छलफल भएको छ । यद्यपि निर्णय गरेको छैन ।
पार्टीभित्र फुट र विभाजन चाहने पक्षालाई निरुत्साहित गर्दै एकीकरणको घोषणा पत्र, निर्वाचनको प्रतिबद्धता पत्र लगायतको पालना गराउने पक्षमा पार्टी पंक्तिलाई अपील गर्ने निर्णय पनि बैठकले गरेको छ ।
पाण्डेले बोलाएको बैठकमा पार्टीको बैठक सञ्चालन कार्यविधिको मस्यौदामाथि पनि छलफल भएको छ । छलफलमा आएका सुझाव र प्रतिक्रियालाई समेटेर आगामी बैठकमा पेश गर्ने जिम्मा केन्द्रीय सदस्य महेश पाठकलाई दिने निर्णय भएको पाण्डे पक्षले जनाएको छ ।
प्रतिक्रिया 4