+
+

कोरोना बिमा भुक्तानीको विषयमा विकल्प खोज्न बिमा समितिलाई अर्थमन्त्रीको निर्देशन

अनलाइनखबर अनलाइनखबर
२०७८ असोज १३ गते १९:०९

१३ असोज, काठमाडौं । कोरोना बिमा भुक्तानीमा देखिएको समस्याको समाधान खोज्न बिमा समितिलाई अर्थमन्त्री जनार्दन शर्माले निर्देशन दिएका छन् । अर्थमन्त्री शर्माले बिमा समितिका अध्यक्ष सूर्यप्रसाद सिलवाललाई मन्त्रालय बोलाएर कोरोना बिमा भुक्तानी के-कसरी गर्न सकिन्छ भन्ने विषयमा अध्ययन गर्न भनेका छन् ।

कोरोना बिमा भुक्तानीका लागि सरकारले समेत दायित्व वहन गर्ने तत्कालीन एमाले अध्यक्ष केपी शर्मा ओली नेतृत्वको सरकारले सहमति गरेको थियो । दायित्व बहन गर्दा ११ अर्ब रकम भुक्तानी दिनु पर्ने भन्दै अहिलेको सरकारले दायित्व बहन नगर्ने अडान लिएको छ । अब सरकारले भुक्तानी नदिइ के-कसरी भुक्तानी गर्न सकिन्छ भनेर विकल्प खोज्न अर्थमन्त्रीले भनेका छन् ।

‘बिमा कम्पनीहरुले भुक्तानी गर्न बाँकी कोरोना बिमाको सम्बन्धमा मन्त्री ज्यूले छलफल थाल्नु भएको हो, भुक्तानीको लागि आवश्यक पर्ने स्रोत साधन र उपायका विषयमा समितिका अध्यक्षसँग छलफल भएको छ,’ अर्थमन्त्रीको सचिवालयले भन्यो, ‘यस विषयमा थप अध्ययन गरी आवश्यक प्रक्रिया अघि बढाउने गरी तयारी थाल्न समितिलाई निर्देशन दिनु भएको छ ।’

सरकारले भुक्तानी नदिने अडान लिँदा बिमा कम्पनीहरुले १ लाख कोरोना संक्रमितको भुक्तानी दिएको छैन ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment