२४ बैंकले बढाए नाफा, वृद्धि दरमा सिभिल पहिलो

१६ कात्तिक, काठमाडौं । चालु आर्थिक वर्ष २०७८/७९ को पहिलो त्रैमासमा बैंकहरुले १८ अर्ब ११ करोड रुपैयाँ भन्दा धेरै मूनाफा आर्जन गरेका छन् । यो अघिल्लो आर्थिक वर्षको तुलनामा २४ प्रतिशतले धेरै हो ।

अघिल्लो आर्थिक वर्षको पहिलो त्रैमासमा यी बैंकहरुले १४ अर्ब ६० करोड रुपैयाँ मूनाफा आर्जन गरेका थिए ।

अघिल्लो आर्थिक वर्षको पहिलो त्रैमासको तुलनामा सबैभन्दा धेरै प्रगति गर्नेमा सिभिल बैंक पहिलो नम्बरमा देखिएको छ । सिभिल बैंकले मूनाफामात्रै २ सय प्रतिशत भन्दा धेरैले बढाएको छ । यो बैंकिङ क्षेत्रकै सबैभन्दा उच्च वृद्धिदर हो ।

मूनाफामा हरेक वर्ष जसो कमजोर देखिने सिभिलले यस पटक भने बैंक अफ काठमाण्डूलाई समेत जितेको छ ।

अधिकांश बैंकको मूनाफा वृद्धि हुँदा प्रभु बैंक, प्राइम कमर्सीयल बैंक, कुमारी बैंक र नेपाल बंगलादेश बैंकको भने मूनाफा घटेको छ । सबैभन्दा धेरै प्रभु बैंकको २५ प्रतिशतले मूनाफामा कमी आएको छ । हेर्नुस् कुन बैंकको मूनाफा कति :