+
+

एमालेसँग गृहमन्त्री खाणको आग्रह : सदन चल्न दिनुस्

अनलाइनखबर अनलाइनखबर
२०७८ कात्तिक २२ गते १४:३२

२२ कात्तिक, जनकपुरधाम। गृहमन्त्री बालकृष्ण खाणले सदन चल्न दिन प्रतिपक्षी नेकपा एमालेसँग आग्रह गरेका छन् ।

सोमबार जनकपुरधाम विमानस्थलमा पत्रकारसँग कुरा गर्दै मन्त्री खाणले आफूहरु सरकारमा आइसकेपछि एमालेले सदन नै चल्न नदिएको बताए । ‘एमालेलाई आग्रह छ, तपाईंहरु मार्फत् पनि आग्रह गर्दछु। सदन चल्न दिनुस्।’

सदनलाई द्रूत रुपमा चलाउँदै सरकारका कमीकमजोरीलाई पनि सुधार्दै अघि बढ्दै विधेयकहरु पारित गर्नुपर्ने उनले बताए । उनले नागरिकता विधेयकलाई पनि चाँडो पारित गर्न खोजेको तर सदन नै नचलेकाले समस्या भइरहेको बताए ।

न्यायपालिका, कार्यपालिका र व्यवस्थापिका तीनै अङ्ग स्वतन्त्र रहेको भन्दै उनले अहिले न्यायपालिकामा देखिएको विवाद संवेदनशील भएको र चाँडो भन्दा चाँडो टुङ्गिने आफूहरुको चाहना रहेको बताए ।

नागरिकको जीवन रक्षाका लागि सरकार गम्भीर रहेको भन्दै उनले सरकारको पहिलो दायित्व नै नागरिकको सुरक्षा रहेको बताए । ‘अहिलेको सुरक्षाको प्रबन्धलाई अझै सुधारेर नेपालको जुनसुकै भू-भागमा बस्ने नागरिकलाई सुरक्षाको अनुभूति गराउँछौं।’ उनले भने ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment