काठमाडौं । युवा उद्यमशिलता र स्वरोजगार प्रवर्द्धन गरी युवालाई आत्मनिर्भर बनाउँदै समृद्धि तर्फ अग्रसर गराउने उदेश्यका साथ राष्ट्रिय युवा परिषद्, तिला गाउँपालिका जुम्ला र नबिल बैंकबीच त्रिपक्षीय समझदारी भएको छ ।
राष्ट्रिय युवा परिषद्को कार्यालय भक्तपुरमा राष्ट्रिय युवा परिषद्का प्रशासकीय प्रमुख डा. बाबुराम ढुंगाना, तिला गाउँपालिकाका अध्यक्ष रतन नाथ योगी र नबिल बैंकको तर्फबाट नबिल दिगो बैंकिङका प्रबन्धक लिला प्रसाद ओझाले समझदारी पत्रमा हस्ताक्षर गरेका छन् ।
त्रिपक्षीय समझदारीसँगै जुम्लाको तिला गाउँपालिकाका स्थानीय युवाहरुलाई उद्यमशीलता बनाउन र वित्तीय साक्षरताको आधारभूत परामर्श, तालिम प्रदान गरी उद्यमका लागि सक्षम बनाउन सघाउने विश्वास बैंकले लिएको छ । सम्झौता अनुसार युवा उद्यम प्रवर्दधन तथा रोजगारी सिर्जनामार्फत दिगो आर्थिक विकासमा योगदान गर्ने लक्ष्य लिएको बैंकको भनाइ छ ।
प्रतिक्रिया 4