१ मंसिर, काठमाडौं । ए डिभिजन क्लब हिमालयन शेर्पालाई नेपाल आइसले मुख्य प्रायोजन गरेको छ । हिमालयन शेर्पा र सिजी ब्रुअरीको नेपाल आइसबीच बुधबार यस सिजनको शहीद स्मारक ए डिभिजन लिगका लागि मुख्य प्रायोजनको सम्झौता भएको हो ।
हिमालयन शेर्पाका कार्यवाहक अध्यक्ष गोम्जु दोर्जे शेर्पा र सिजीका बिजनेस प्रमुख प्रदीप पुडासैनीले सम्झौता पत्रमा हस्ताक्षर गरे । एक वर्षको उक्त सम्झौताको रकम भने दुबै पक्षले खुलाएको छैन । शुक्रबार सुरु हुने लिगमा हिमालयन शेर्पाले पहिलो खेल शनिबार संकटासँग खेल्नेछ ।
यस्तै हिमालयन शेर्पाले केटीएम सिटीसंग किट्स प्रायोजन सम्झौता गरेको छ । हिमालयन शेर्पाका कार्यवाहक अध्यक्ष गोम्बु दोर्जे शेर्पा र केटीएम सिटीका सिईओ निमा शेर्पाले सम्झौता पत्रमा हस्ताक्षर गरे ।
सम्झौता अनुसार केटीएम सिटीले हिमालयन शेर्पालाई २५ लाख बराबरको खेलकुद सामग्री उपलब्ध गराउनेछ । अब शेर्पाले ए डिभिजन लिगमा केटीएम सिटीको जर्सी लगाएर खेल्नेछ ।
प्रतिक्रिया 4