बैंकिङ कसुरमा २० लाख जरिवाना तोकिएका व्यक्ति कुपण्डोलबाट पक्राउ

९ मंसिर, तनहुँ । प्रहरीको केन्द्रीय अनुन्धान ब्‍यूरोले बैंकिङ कसूर मुद्दाका फरार प्रतिवादीलाई पक्राउ गरेको छ ।

पक्राउ पर्नेमा तनहुँको भानु नगरपालिका-१३ स्थाइ घर भइ काठमाडौं महानगरपालिका-४ हाँडीगाउँ बस्‍दै आएकी ४५ वर्षीय शोभा गुरूङ रहेकी छन् ।

उच्च अदालत पाटनको २०७७ असार १ गतेको फैसलाले गुरूङलाई ४ दिन कैद र २० लाख रुपैयाँ जरिवाना सुनाएको थियो ।

ब्‍यूरोले बिहीबार ललितपुरको कुपण्डोलबाट उनलाई पक्राउ गरेको हो ।

पक्राउ परेका उनले पीडितलाई आफ्नो खातामा पर्याप्त मौज्दात रकम नभएको भन्‍ने जानी जानी झुक्याएर एनआइसी एसिया बैंकको चेक काटेर पीडितहरूलाई दिएकी थिइन् ।

पक्राउ परेकी उनलाई फैसला कार्यान्वयनको लागि ललितपुर जिल्ला अदालतमा पेश गरेको ब्‍यूरोले जनाएको छ ।