+
+

चिनियाँ हतियारले ‘इन्डो-प्यासिफिक’ मा तनाव : अमेरिकी रक्षामन्त्री

अनलाइनखबर अनलाइनखबर
२०७८ मंसिर १६ गते १९:३३

१६ मंसिर, काठमाडौं । अमेरिकी रक्षामन्त्री लियोड अस्टिनले अत्याधुनिक चिनियाँ हतियारका कारण ‘इन्डो-प्यासिफिक’ क्षेत्रमा तनाव बढेको बताएका छन् ।

बिहीबार रक्षामन्त्री अस्टिनले जुलाईमा चीनले गरेको हाइपरसोनिक हतियार परीक्षण र अत्याधुनिक हतियार विकासका कारण इन्डो-प्यासिफिक क्षेत्रमा तनाव थप चर्किएको बताएका हुन् ।

‘जुलाई २७ मा चीनले हाइपरसोनिक हतियार परीक्षण गरेको कुरा हामीलाई थाहा छ’, दक्षिण कोरियाको भ्रमणमा रहेका अस्टिनले भने, ‘चीनले विकास गरिरहेका सैन्य क्षमताप्रति हाम्रो चासो छ र क्षमताका कारण यो क्षेत्रमा तनाव बढेको छ ।’

अमेरिकाले आफू र आफ्ना सहयोगी राष्ट्रसामु चीनबाट हुन सक्ने खतरासँग जुध्ने गरी सैन्य क्षमता कायम गर्ने पनि अस्टिनको भनाइ थियो । उनले भने, ‘हामी र हाम्रा सहयोगीसामु चीनबाट हुन सक्ने विभिन्न खाले खतरासँग जुध्ने र त्यस्ता खतरालाई रोक्ने गरी क्षमता कायम गर्नेछौं ।’

हाल अस्टिन एउटा वार्षिक सुरक्षा बैठकमा सहभागी हुन दक्षिण कोरियामा छन् । उनले बैठकका क्रममा दक्षिणी कोरियाली समकक्षी सुह वूकसँग चीन र उत्तर कोरियाबाट उत्पन्न चुनौतीसहित विभिन्न विषयमा छलफल गर्नेछन् ।

चीनको बढ्दो सैन्य सामर्थ्‍य र एसिया-प्रशान्त क्षेत्रमा अमेरिकी वर्चश्व अन्त्यका लागि उसले चालेका कमदबाट अमेरिकाले असहज महसुस गरिरहेको छ । तर चीनले भने आफूले हाइपरसोनिक हतियार परीक्षण गरेको समाचारलाई खण्डन गर्दै आएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment