महोत्तरीमा पुरुषको शव भेटियो

२१ मंसिर, जनकपुरधाम । महोत्तरीको एकडारा गाउँपालिकामा मंगलबार बिहान एक जना व्यक्तिको शव फेला परेको छ ।

एकडारा गाउँपालिका-५ बथनाहास्थित एक इँटा उद्योगको नजिकै ती व्यक्तिको शव फेला परेको प्रहरीले जनाएको छ ।

महोत्तरी प्रहरी प्रमुख, प्रहरी उपरीक्षक (एसपी) दिनेश आचार्यले शव जलेश्वर नगरपालिका-७ अन्कार निवासी रामसृष्ठ यादवको भएको बताए ।

एसपी आचार्यका अनुसार प्रारम्भिक अनुसन्धानका क्रममा पोखरीमा डुबेर उनको मृत्यु भएको अनुमान गरिएको छ ।

शवलाई पोष्टमार्टमका लागि अस्पताल पठाइएको र रिपोर्ट आएपछि थप अनुसन्धान सुरु गरिने उनले बताए ।