तीन सयले महँगियो सुन

२८ मंसिर, काठमाडौं । मंगलबार सुन र चाँदीको मूल्य बढेको नेपाल सुन चाँदी व्यवसायी महासंघले जनाएको छ । सुनको मूल्य तोलामा तीन सय रुपैयाँले महँगिएको छ भने चाँदीको मूल्य पनि तोलामा २० रुपैयाँले बढेको छ ।

आइतबार र सोमबार स्थिर रहेको सुनको मूल्य साताको तेस्रो दिनमा भने बढेर कारोबार भएको महासंघले जनाएको छ । आज छापावाल सुनको मूल्य तोलामा ९२ हजार ८ सय रुपैयाँ तोकिएको छ भने तेजावी सुन ९२ हजार तीन सय रुपैयाँमा कारोबार भइरहेको छ ।

आइतबारदेखि नै दुवै सुनको मूल्य क्रमशः ९२ हजार ५ सय र ९२ हजार रुपैयाँमा खरिद बिक्री भइरहेको थियो । यस्तै चाँदीको मूल्य तोलामा २० रुपैयाँले बढेर १,१९० बाट प्रतितोला १,२१० रुपैयाँ कायम भएको महासंघले जनाएको छ ।