३ पुस, काठमाडौं । प्रहरीले अवैध रुपमा ओसारपसार गरेको ८८.६० क्युविक फिट काठसहित दुई जनालाई पक्राउ गरेको छ ।
पूर्वपश्चिम राजमार्ग अन्तर्गत हेटौंडा उपमहानगरपालिका–३ मा मनहरी गाउँपालिकाको हाँडीखोलाबाट हेटौंडा बजारतर्फ जिपमा राखेर ल्याउँदै गरेको काठसहित दुई जनालाई पक्राउ गरेको हो ।
प्रदेश ०३–००१–च १२६० नम्बरको जिपमा लोड गरी हेटौंडा तर्फ ल्याइदै गरेको ६३ वटा फण्टासहित हेटौंडा १२ का २४ बर्षका सुशान लोप्चन र १८ बर्षका सुदीप लोप्चनलाई पक्राउ गरिएको जिल्ला प्रहरी कार्यालय मकवानपुरले जनाएको छ ।
पक्राउ परेको काठ र मानिसलाई आवश्यक कारवाहीका लागि डिभिजन वन कार्यालय राप्ती मनहरिलाई बुझाइएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4