+
+

प्रदेश २ मा कृषि विश्वविद्यालयसम्बन्धी अध्यादेश स्वीकृत

अनलाइनखबर अनलाइनखबर
२०७८ पुष ८ गते १८:३९

८ पुस, जनकपुरधाम । प्रदेश–२ सरकारले ल्याएको कृषि विश्वविद्यालयसम्बन्धी अध्यादेश प्रदेशसभाबाट स्वीकृत भएको छ ।

बिहीबार बसेको प्रदेशसभा बैठकमा सामाजिक विकासमन्त्री नवलकिशोर साहले यो अध्यादेश स्वीकृत गर्न प्रस्ताव पेश गरेका थिए । प्रस्ताव बहुमतले पारित भएको हो ।

यसअघि विपक्षी दल लोकतान्त्रिक समाजवादी पार्टी (लोसपा) का सांसद परमेश्वर साहले यो अध्यादेश अस्वीकार गर्ने प्रस्ताव पेश गरेका थिए ।

उनले सरकार ढोकाबाट नभई झ्यालबाट आएको भन्दै यस्तो परम्पराले संसदीय गतिविधिमाथि नै खतरा हुने बताए ।

कृषि विश्वविद्यालयप्रति आफूहरूको असहमति नभए पनि लोकतान्त्रिक चरित्रविपरीत अध्यादेश ल्याएकाले असहमति जनाइएको बताए । यद्यपि उनको प्रस्ताव अस्वीकार भयो ।

प्रदेश सरकारले अध्यादेशमार्फत् राजविराजमा कृषि विश्वविद्यालयको कार्यालय स्थापना गरेको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?