+
+

घुस लिएर दोहोरो नागरिकताको सिफारिस गर्ने वडाध्यक्षविरुद्ध मुद्दा

अनलाइनखबर अनलाइनखबर
२०७८ पुष २९ गते १८:२७

२९ पुस, स्याङजा । नागरिकताका लागि सिफारिस बनाइदिन सेवाग्राहीसँग घुस लिएको आरोपमा अख्तियार दुरुपयोग अनुसन्धान आयोगले भिरकोट नगरपालिका-९ का वडाध्यक्ष भीमबहादुर गुरुङ र वडासदस्य कूलबहादुर गुरुङविरुद्ध मुद्दा दायर गरेको छ ।

सेवाग्राहीसँग घुस लिएर दोहोरो नागरिकता बनाउन झुटो विवरणको आधारमा बदनियतपूर्ण सिफारिस गरिदिएको ठहर गर्दै अख्तियारले बिहीबार मुद्दा दायर गरेको हो ।

उनीहरूमाथि दोहोरो नागरिकता बनाइदिने प्रयोजनका लागि एक लाख ३५ हजार घुस लिएको आरोपमा मुद्दा दायर गरिएको अख्तियारका प्रवक्ता नारायणप्रसाद रिसालले बताए ।

अख्तियारले उनीहरूविरुद्ध एकलाख ३५ हजार बिगो दाबी गर्दै विशेष अदालत काठमाडौंमा बिहीबार मुद्दा दर्ता गरेको हो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?