रियल मड्रिडलाई हराउँदै विल्वाओ सेमिफाइनलमा

२१ माघ, काठमाडौं । रियल मड्रिडलाई कोपा डेल रे फुटबलको क्वार्टरफाइनलबाटै बाहिरिएको छ । एलेक्स बेरेन्गुएसले एकमिनेट बाँकी रहँदा गोल गरेपछि रियललाई हराउँदै एथ्लेटिक विल्वाओ सेमिफाइनलमा प्रवेश गरेको हो ।

बिहीबारराति भएको खेलमा एथ्लेटिक विल्वाओले रियललाई १-० ले हरायो । विल्वाओका लागि एलेक्स बेरेन्गुएरले ८९औं मिनेटमा निर्णायक गोल गरेका थिए ।

बेरेन्गुएर ४६औं मिनेटमा निको विलियम्सको स्थानमा मैदान प्रवेश गरेका थिए । अर्को खेलमा रियल सोसिडाडलाई ४-० ले पराजित गर्दै रियल बेटिस पनि सेमिफाइनलमा प्रवेश गरेको छ । यसअघि नै भ्यालेन्सिया र रायो भालेकानोले अन्तिम चारमा स्थान बनाइसकेका छन् ।