२०७८ फागुन ६ गते १८:३५ 
५ फागुन, काठमाडौ । अखिल नेपाल फुटबल संघ (एन्फा)को यही फुन ८ गते आइतबार हुने भनिएको विशेष साधारणसभा स्थगित भएको छ ।
एन्फामा आबद्ध ४८ वटा जिल्ला फुटबल संघ, निर्णायक संघ, प्रशिक्षक संघ, महिला फुटबल संघ, शहीद स्मारक ए, बी र सी डिभिजन लिगसँगै राष्ट्रिय लिगमा छनोट भएका चार टोलीलाई पत्र लेख्दै एन्फाले विशेष साधारणसभा प्राविधिक कारण स्थगित भएको जनाएको छ ।
एन्फा महासचिव इन्द्रमान तुलाधरले लेखेको पत्रमा विशेष साधारणसभा हुने मिति, समय र स्थान अर्को पत्रमार्फत् जानकारी गराउने उल्लेख छ ।
एन्फाको विशेष साधरणसभा स्थगित भएको यो दोस्रो पटक हो, यसअघि एन्फाको विशेष साधारणसभा माघ २९ गतेका लागि तय गरिएको थियो । तर, त्यो बेला पनि समय अपुग भन्दै एन्फाले फागुन ८ गतेका लागि सारेको थियो।
तर, फिफाबाट गाइडलाइन स्वीकृत भएर नआउँदा विशेष साधारणसभा दोस्रो पटक स्थगित गर्नुपरेको एन्फा महासचिव इन्द्रमान तुलाधरले बताए । ‘फिफा र एएफसीले पठाएको विधान र निर्वाचन निर्देशिकामा केही प्रतिक्रिया दिएको छ । त्यसमा फिफाबाट गाइडलाइन स्वीकृत भएर आएपछि नयाँ मिति तय गरिनेछ ।’ तुलाधरले भने ।
उनले अब अर्को साता भित्रमा विशेष साधारणसभाको लागि नयाँ मिति तय गरिने बताए । ‘यसअघि मिति घोषणा गरे पनि समय पुगेन फेरि त्यस्तै होला कि भनेर अहिले मिति तय गरेका छेनौँ ।’
प्रतिक्रिया 4