+
+

चैत १ गतेबाट ‘२ नम्बरी’को छायांकन, पलको ठाउँमा को ?

अनलाइनखबर अनलाइनखबर
२०७८ फागुन १८ गते १७:२७
फाइल तस्वीर

१८ फागुन, काठमाडौं । दुई वर्षअघि छायांकन सुरु भएर रोकिएको चलचित्र ‘२ नम्बरी’को छायांकन चैत १ गतेदेखि पुनः हुने भएको छ । चलचित्रको निर्माणपक्ष छायांकन स्थलको खोजीका लागि निस्किएको छ ।

निर्माता किरण नेपालीका अनुसार अहिले चलचित्रको टिम पोखराभन्दा केही माथिको गाउँ ल्याङ्ग्रीमा छ । दुई वर्षअघि केही प्रतिशत छायांकन सुरु गरेर पनि कोरोना महामारीका कारण चलचित्रको काम रोकिएको थियो । तर यस अवधिमा धेरै कुरा बदलिएकाले निर्माणटिमले सुरुवातबाट नै छायांकन गर्ने भएको छ ।

यो चलचित्रमा दयाहाङ राई, पल शाह, वर्षा राउत, भुटानी अभिनेत्री उगेन छोदन र जयनन्द लामाको मुख्य भूमिका थियो । तर अब कलाकार केही परिवर्तन हुने किरणले जानकारी दिए ।

अभिनेता पल शाह एक नाबालिकालाई जर्बजस्ती करणी गरेको आरोपमा प्रहरी हिरासतमा छन् । यसैले पनि चलचित्रको लागि अर्को नायक लिने तयारीमा निर्माणपक्ष छ । किरणले भने, ‘चलचित्रमा अर्का चर्चित नायकलाई अनुबन्धित गर्नेछौं ।’ कलाकार जयनन्द लामाको निधन भएकाले उनको भूमिका अरु कोही हास्य कलाकारले गर्ने किरणको भनाइ छ ।

दीपेन्द्र लामाको निर्देशनमा तयार हुने चलचित्रले दुई साथीको कथा भन्छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?