मेक्सम र एलिनाको स्वरमा ‘यो माया मर्दैन’

२७ फागुन, काठमाडौं । मेक्सम खाती र एलिना चौहानको स्वर रहेको ‘यो माया मर्दैन’ बोलको गीत सार्वजनिक भएको छ । नरेश खातीको शब्द र संगीत रहेको यो गीतलाई कृष्ण विक भाञ्जाले एरेन्ज गरेका हुन् ।

मायाप्रेमको भाव समेटिएको यो गीतको भिडियोलाई शिशिर खातीले निर्देशन गरेका छन् । भिडियोमा मेक्सम खाती र सेजल गौतमलाई फिचरिङ गरिएको छ ।

हरि घले लामाले खिचेको भिडियोलाई मनोज कार्कीले सम्पादन गरेका छन् ।