+
+

‘परस्त्री’ फिल्मको शुभसाइत, कात्तिक ६ गते रिलिज हुने

अनलाइनखबर अनलाइनखबर
२०७८ फागुन २९ गते ११:४०

२९ फागुन, काठमाडौं । ‘पशुपति प्रसाद’ फेम्ड निर्देशक दीपेन्द्र के खनालको लेखन तथा निर्माण रहने फिल्म ‘परस्त्री’को मुहूर्तसँगै प्रदर्शन मिति घोषणा गरिएको छ ।

ललितपुरको बंगलामुखी मन्दिरमा आइतबार बिहान फिल्मको शुभसाइत गरिएको हो । छायांकनका लागि फिल्म युनिट आइतबार नै हिमालपारिको जिल्ला मुस्ताङतर्फ प्रस्थान गरेको छ ।

लेखक तथा निर्माता खनालले सुरुमा गीत छायांकन सकेपछि मात्र काठमाडौं फर्किएर दृश्य छायांकन गरिने बताए । मुस्ताङमा १० दिन र काठमाडौंमा ३० दिन छायांकन तालिका राखिएको छ ।

फिल्ममा सुरज पाण्डेको डेब्यु निर्देशन रहनेछ । निर्देशक पाण्डेले तयारी राम्रो भएकाले फिल्म उत्कृष्ट बन्ने विश्वास लिएका छन् ।

नेपाली र हिन्दी भाषामा निर्माण गरिने फिल्मको फिल्मको प्रदर्शन मिति पनि घोषणा गरिएको छ । जसअनुसार फिल्म आगामी कात्तिक ६ गते देशव्यापी प्रदर्शन हुनेछ ।

डीएस डिजिटलको ब्यानरमा निर्माण हुने फिल्मकी निर्मात्री शर्मिला पाण्डे हुन् । फिल्ममा कोसिस क्षेत्री, शिल्पा मास्के, गौरव विष्ट, अलिसा क्षेत्री र अशान्त शर्माको अभिनय रहेनछ । फिल्ममा नीरज पाण्डेको छायांकन हुनेछ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?