+
+

ह्वाट्सएपको ग्रुप भ्वाइस कलमा ३२ जना जोडिन सक्ने, २ जीबीसम्मको फाइल पठाउन सकिने

अनलाइनखबर अनलाइनखबर
२०७९ वैशाख ४ गते ६:२१

काठमाडौं । लोकप्रिय मेसेजिङ एप ह्वाट्सएपमा अब ३२ जनासम्म ग्रुप भ्वाइस कलमा जोडिन सक्ने भएका छन् । साथै अब ह्वाट्सएप च्याटमा २ गिगाबाइट (जीबी) सम्मको फाइल पठाउन सकिनेछ ।

हालसम्म ह्वाट्सएपको ग्रुप भ्वाइस कलमा अधिकतम ८ जनासम्म एकसाथ जोडिन सक्थे । त्यस्तै ह्वाट्सएप प्रयोगकर्ताले अधिकतम १ जीबीसम्मको फाइल मात्र पठाउन सक्ने व्यवस्था रहेको थियो ।

यसका अलावा ह्वाट्सएपले अन्य सुविधाहरु समेत थप गर्ने बताएको छ । ह्वाट्सएपले अब च्याट ग्रुपको एडमिनलाई कुनैपनि बेला च्याट डिलिट गर्नसक्ने सुविधा समेत दिएको छ । कम्पनीका प्रवक्ताका अनुसार हटाइएका सामाग्रीहरु ग्रुपका कुनै पनि सदस्यले हेर्न पाउने छैनन् ।

ह्वाट्सएपको मातृ कम्पनी मेटाका सीईओ मार्क जुकरबर्गले ह्वाट्सएपमा थप भएका फिचरका बारेमा जानकारी दिंदै फेसबुकमा पोस्ट गरेका छन् । जसमा भनिएको छ– हामीले ह्वाट्सएपको ग्रुपमा नयाँ फिचर थपिरहेका छौं, जसमा प्रतिक्रिया, ठूलो आकारका फाइल शेयरिङ तथा ठूलो संख्यामा ग्रुप कलिङ पनि समावेश छ ।

–एजेन्सी

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?