+
+

भरतपुरको मेयरमा एमाले उम्मेदवार सुवेदीले दर्ता गराए मनोनयन

अनलाइनखबर अनलाइनखबर
२०७९ वैशाख १२ गते १५:०३

१२ वैशाख, चितवन । चितवनको भरतपुर महानगरपालिकाको मेयरमा नेकपा एमालेका उम्मेदवार विजय सुवेदीले मनोनयन दर्ता गराएका छन् ।

एमाले जिल्ला पार्टी कार्यालय भरतपुरबाट बाजागाजा र फूलमालासहित मुख्य निर्वाचन अधिकृतको कार्यालयमा पुगेका नेता सुवेदीले मेयरमा उम्मेदवारी दर्ता गराएका हुन् ।

उनको प्रस्तावकमा एमाले पोलिट्ब्यूरो सदस्य देवी ज्ञवाली र सर्मथकमा एमालेका सांसद कृष्णभक्त पोखरेल रहेका छन् ।

उम्मेदवारी दर्ता गराउनु अघि उनले एमाले पार्टी कार्यालय भरतपुरमा रहेको मदन भण्डारीको शालिक र बीपी कोइराला मेमोरियल क्यान्सर अस्पताल भरतपुरमा रहेको वीपी कोइरालाको शालिकमा फूलमाला चढाएका थिए ।

उम्मेदवारी दर्ता गराएपछि पत्रकारसँग कुराकानी गर्दै मेयर उम्मेदवार सुवेदीले भरतपुर महानगरको योजनावद्ध विकासका लागि आफ्नो जित आवश्यक रहेको बताए ।

उनले महानगरको विकासको स्पष्ट खाका तयार गरेर यसलाई विश्वकै उत्कृष्ट शहरहरुको दाँजोमा लैजाने आफ्नो योजना रहेको बताए ।

एमालेले भरतपुर महानगरको मेयरमा मात्रै उम्मेदवारी दर्ता गरेको छ । उपमेयरमा भने राप्रपा उम्मेदवारलाई समर्थन गर्नेछ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?