रणवीर सिंहको कमेडी फिल्म ‘सर्कस’ डिसेम्बर २३ मा रिलिज हुने

काठमाडौं । रणवीर सिंह स्टारर कमेडी फिल्म ‘सर्कस’को रिलिज मिति घोषणा गरिएको छ । रोहित सेट्टीले निर्देशन गरेको यो फिल्म आगामी डिसेम्बर २३ क्रिसमसको दिन पारेर रिलिज हुने भएको छ ।

यसअघि छायांकन सकिएको फिल्ममा रणवीर दोहोरो भूमिकामा देखिनेछन् । ‘सर्कस’मा रणवीरका अलावा पूजा हेगडे, ज्याकलिन फर्नान्डिज, वरुण शर्मा लगायतको मुख्य भूमिका रहेको छ ।

रणवीर सिंहको यसअघि क्रिकेटरको जीवनीमा आधारित फिल्म ‘८३’ प्रदर्शनमा आएको थियो । दीपिका पादुकोणको समेत अभिनय रहेको फिल्मले बक्स अफिसमा उत्कृष्ट व्यापार गर्न सकेको थिएन ।