+
+

दाङमा वर्षाले हिलाम्मे भएपछि मतदान केन्द्र सारियो

अनलाइनखबर अनलाइनखबर
२०७९ वैशाख २९ गते १८:०९

२९ वैशाख, दाङ । दाङमा बिहीबार परेको पानीले तुलसीपुरको मतदान केन्द्र हिलाम्मे भएपछि अर्को ठाउँमा स्थान्तरण गरिएको छ ।

तुलसीपुर उपमहानगरपालिका-५ स्थित अरनिको मैदानमा रहेको निर्वाचन केन्द्र पानी परेर हिलाम्य भएपछि नजिकै रहेको तुलसी बोर्डिङ स्कुलमा सारिएको हो ।

खुला मैदानमा पाल लगाएर तयार गरिएको मतदान केन्द्र निरन्तर वर्षाका कारण हिलाम्मे बनेपछि अर्को ठाउँमा सारेको तुलसीपुर उपमहानगरपालिकाका मतदान अधिकृत राजेश्वर अर्यालले बताए । सर्वदलीय बैठकपछि मतदान केन्द्र स्थानान्तरण गरिएको अर्यालको भनाइ छ । विगतको निर्वाचनमा अरनिको मैदानमा मतदान हुँदै आएको थियो ।

‘बर्षाका कारण मतदान केन्द्र हिलाम्मे बनेपछि नजिकैको स्कुलमा सार्नु पर्नेभयो’, उनले भने, ‘बर्षा भए मतदान प्रभावित हुने देखिएपछि मतदान केन्द्र नजिकैको स्कुलमा सारिएको छ ।’

दाङमा मतदानस्थल १ सय ५३ र मतदान केन्द्र ४ सय ६१ तोकिएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?