+
+

रुपन्देहीको कञ्चन-१ को वडाध्यक्षमा एमालेका हरिनारायण थारु विजयी

अनलाइनखबर अनलाइनखबर
२०७९ जेठ १ गते १९:०१

१ जेठ, बुटवल । रुपन्देहीको कञ्चन गाउँपालिका-१ को वडाध्यक्षमा नेकपा एमालेका हरिनारायण थारु निर्वाचित भएका छन् । उनी नेपाली कांग्रेसका चन्द्रबहादुर रानालाई ९५ मतान्तरले पछि पार्दै विजयी भएका हुन् ।

थारुले १ हजार ६३७ मत पाउँदा रानाले १ हजार ५४२ मत पाए । नेकपा एकीकृत समाजवादीका खगेश्वर भुसालले ५६ मत पाएका छन् ।

गैडहवा–१ मा एमालेका चौधरी विजयी

रुपन्देहीकै गैडहवा गाउँपालिका–१ को वडाध्यक्षमा नेकपा एमालेका प्रदीपकुमार चौधरी निर्वाचित भएका छन् । चौधरीले नेपाली कांग्रेसका निशार मुसलमान फकिरलाई ८७ मतान्तरले पराजित गरेका हुन् ।

चौधरीले ९०१ मत पाएर विजयी हुँदा नेपाली कांग्रेसका मुसलमानले ७१४ मत पाएका छन् । यस्तै लोकतान्त्रिक समाजवादी पार्टीका रामुबिशुन नायकले ३४५ मत पाएको निर्वाचन अधिकृत हरिहर पौडेलले जानकारी दिए ।

चौधरी २०७४ सालको स्थानीय तहको निर्वाचनमा पनि वडाध्यक्षमा निर्वाचित भएका थिए ।

ओमसतिया२ मा कांग्रेसका शीतल निर्वाचित

रुपन्देहीको ओमसतिया गाउँपालिका-२ को वडाध्यक्षमा नेपाली कांग्रेसका शीतल जीटी निर्वाचित भएका छन् । जीटीले ८६१ मत ल्याए भने उनका निकटम प्रतिद्वन्दी नेकपा एमालेका उम्मेदवार रामु काफ्लेले ६३६ मत प्राप्त गरे ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?