देउमाई नगरपालिकाको मेयर र उपमेरमा एमालेका उम्‍मेदवार निर्वाचित

४ जेठ, इलाम । इलामको देउमाई नगरपालिकाको प्रमुख र उपप्रमुखमा नेकपा एमालेले जितेको छ ।

नगर प्रमुखमा सूर्य पोख्रेलले ८ हजार ६९५ मत र उपप्रमुखमा पविमाया राई ८ हजार ५६३ मतका साथ दोश्रो कार्यकालका लागि निर्वाचित भएका हुन् ।

यसअघि २०७४ को स्थानीय निर्वाचनमासमेत दुवैजना विजयी भएका थिए ।

गठबन्धनको तर्फबाट नगर प्रमुखको उम्मेदवार बनेका कांग्रेसका होम दुलालले ७ हजार ६२२ मत र उपप्रमुख माओवादी केन्द्रका राम राईले ५ हजार ७६५ मत पाएका छन् ।

दुलाल र राई यसअघि २०७४मा नगर प्रमुखका लागि पोख्रेलसँग पराजित बनेका थिए ।