दीपेन्द्र निर्देशित ‘चिसो मान्छे’लाई युनिभर्सल सर्टिफिकेट

काठमाडौं । दीपेन्द्र के खनाल निर्देशित फिल्म ‘चिसो मान्छे’ले सेन्सर बोर्डबाट युनिभर्सल सर्टिफिकेट पाएको छ । रिलिज हुन दुई साता बाँकी रहँदा फिल्म सेन्सर पास भएको हो ।

‘यू’ सर्टिफिकेट पाएसँगै ‘चिसो मान्छे’लाई सबै उमेरका दर्शकले हेर्न सक्नेछन् । फिल्मबारे सेन्सर बोर्डका कर्मचारीबाट प्रातिक्रियाले आफूहरु उत्साहित भएको निर्देशक खनालले बताए । आगामी असार ३ गतेबाट प्रदर्शनमा आउन लागेको फिल्म दर्शकमाझ प्रतीक्षित छ ।

वैदेशिक रोजगारीको पीडा र कर्णालीको कथा भन्ने यो फिल्ममा स्वस्तिमा खड्का, अर्पण थापा र देशभक्त खनालको मुख्य भूमिका रहेको छ । फिल्मलाई शर्मिला पाण्डेले निर्माण गरेकी हुन् ।