+
+

नेपाली जनसम्पर्क समिति जापानमा विवाद, सभापतिले मनोमानी गरेको आरोप

अनलाइनखबर अनलाइनखबर
२०७९ जेठ ३१ गते १७:४५

काठमाडौं । नेपाली जनसम्पर्क समिति, जापानमा विवाद बढेको छ । सभापति लालबहादुर केसीले आफूखुसी काम गरेको भन्दै संस्थाका बहुमत पदाधिकारीहरुले विरोध जनाएका छन् ।

उनीहरुले सोमबार प्रेस विज्ञप्ति जारी गर्दै गत मे २२ मै संस्थाको अधिवेशन भएर जिम्मेवारी तोकिइसकेको भए पनि केसीले आइतबार फेरि अधिवेशनको नाममा गुटगत भेला गरेको आरोप लगाएका छन् ।

सन् २०१६ मा भएको छैटौं अधिवेशनमा विवाद सिर्जना भएका कारण सहमतिमा कार्यकाल सम्पन्न गर्नेगरी दण्डपानी कँडेल प्रथम र लालबहादुर केसीलाई द्वितीय सभापति चयन गरिएको थियो । सभापति कँडेलले सहमति अनुसार एक वर्षभित्र केसीलाई जिम्मेवादी हस्तान्तरण गरेको, तर केसीले भने सहमति अनुसार एक वर्षभित्र अधिवेशन गर्नुपर्नेमा पाँच वर्षसम्म पनि अधिवेशनको वातावरण नबनाएको उनीहरुको भनाइ छ ।

सभापति केसी पक्षको यस्ता क्रियाकलापका कारण संस्थामा फुटको वातावरण सिर्जना गर्ने भन्दै यस्ता गतिविधि तुरुन्त रोक्न समेत उनीहरुको आग्रह छ ।

उनीहरुले छैटौं कार्यकालका प्रथम सभापति कँडेललाई पुनः सभापतिमा क्रियाशील हुन समेत आग्रह गरेका छन् । साथै तत्काल केन्द्रीय समितिको बैठक आह्वान गरेका छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?