+
+

एनकुन्कु २०२६ सम्म लाइपजिगमै रहने

अनलाइनखबर अनलाइनखबर
२०७९ असार ९ गते १७:३३

९ असार, काठमाडौं । फरवार्ड क्रिस्टोफर एनकुन्कुले जर्मन क्लब बरबी लाइपजिगसँग दुई वर्षको सम्झौता नविकरण गरेका छन् । सम्झौता नविकरणपछि एनकुन्कु २०२६ सम्म जर्मन क्लबमा रहनेछन् ।

२४ वर्षीय फ्रान्सेली फरवार्ड एनकुन्कु प्रिमियर लिग क्लब चेल्सी र म्यानचेष्टर युनाइटेडसँग पनि नाम जोडिएको थियो । तर उनले बुण्डेसलिगा क्लबमै निरन्तरता दिने भएका हुन् ।

२०२१-२२ को सिजन बुण्डेसलिगा प्लेअर अफ दि सिजन बनेका एनकुन्कुले लाइपजिगलाई जर्मन कप जिताउन मद्दत गरेका थिए ।

सन् २०१ञ९ मा लाइपजगिमा अनुबन्ध हुादा ५ वर्षको सम्झौता गरेका एनकुन्कुको सम्झौता अझै दुई वर्ष बाँकी छ ।त्यो कायम रहँदै उनले दुई वर्ष सम्झौता नविकरण गरेका हुन् ।

उनले लाइपजिगकै निरन्तरता दिन पाउँदा खुशी रहेको प्रतिक्रिया दिएका छन् ।

‘लाइपजिगकै सर्टमा निरन्ता दिन पाउँदा खुशी छु,’ उनले भने । ‘हामीले डीएफबी-पोकल (जर्मन कप) को रुपमा ठूलो उपलब्धि हासिल गरेपछि, यो स्पष्ट छ कि मेरो कथा यहाँ समाप्त भएको छैन । हामी थप चाहन्छौं । मलाई राख्न क्लबको प्रयासबाट म साँच्चै प्रभावित थिएँ ।’

एनकुन्कुले गत सिजन लाइपजिगका लागि लिगमा ३४ खेल खेल्दै २० गोल र १४ असिस्ट गरेका थिए । लाइपजिग गत सिजन चौथो भएको थियो ।

लाइपजिगले अन्तर्राष्ट्रिय स्टेजमा आफ्नो नाम बनाइसकेकोले उपाधिका लागि प्रतिस्पर्धा गर्न सक्छ भने देखाएको एनकुन्कुले बताए ।

सन् २०१९ मा फ्रेन्च क्लब पेरिस सेन्ट जर्मेनबाट जर्मनी पुगेका एनकुन्कुले लाइपजिगका लागि १३४ खेलमा ४७ गोल र ४६ असिस्ट गरेका छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?