पार्टीका पदाधिकारी प्रस्ताव गर्न प्रचण्डलाई गजुरेलको आग्रह

२० असार, काठमाडौं । नेकपा माओवादी केन्द्रका नेता हरिबोल गजुरेलले पार्टीका पदाधिकारी छिटो चयन हुनु पर्ने बताएका छन् ।

सोमबार पार्टीको केन्द्रीय समिति बैठकमा बोल्दै उनले जारी बैठकमा नै पदाधिकारीको नाम प्रस्ताव गर्न अध्यक्ष पुष्पकमल दाहाल प्रचण्डलाई आग्रह गरेका छन् ।

‘अब स्थायी कमिटी र पोलिटब्यूरो गठन गर्नुपर्छ, पदाधिकारी बनाउनु पर्छ,’ उनले भने, ‘अध्यक्षले एउटा प्रस्ताव पेस गर्नुपर्छ, चित्त बुझेन भने चुनावमा जानु पर्छ ।’

गजुरेलले पार्टीमा गुटबन्दी मौलाएको आरोप पनि लगाए ।

गत पुस ११ देखि १८ गतेसम्म आठौं महाधिवेशन गरेको माओवादी केन्द्रले अहिलेसम्म पदाधिकारी चयन गर्न सकेको छैन ।

यो पनि पढ्नुहोस

माओवादीमा पदाधिकारी टुंग्याउन दबाव, के गर्लान् प्रचण्ड ?