फिल्म ‘कृष्णलीला’को ट्रेलर : असाधारण प्रेमकथामा पुष्प र श्रद्धाको रोमान्स

काठमाडौं । अटिजम रोग पीडित व्यक्ति र यसको सामाजिक तथा मनोवैज्ञानिक प्रभावको कथावस्तुमाथि बनेको फिल्म ‘कृष्णलीला’को आधिकारिक ट्रेलर सार्वजनिक भएको छ ।

पुष्प खड्का र श्रद्धा क्षेत्रीको मुख्य भूमिका रहेको फिल्ममा रोमान्स र प्रेमको पाटो पनि समेटिएको छ । अटिजम पीडित युवकले एक महत्वाकांक्षी युवतीलाई मन पराएपछि आउने उतारचढाव यसको कथावस्तु हो ।

कृष्ण जन्माष्टीको छेकोमा भदौ ३ गते प्रदर्शन हुने तयारीमा रहेका फिल्मका गीत यसअघि नै हिट छन् । दीपक ओली निर्देशित फिल्ममा लक्ष्मण सुवेदीको पटकथा, शिव ढकाल र बाबु सुवेदीको छायांकन रहेको छ ।

प्रकाश कार्की र केवल तामाङको निर्माण रहेको फिल्ममा बुद्धि तामाङ, रविन्द्र झा, नवीन रेग्मी, रविन्द्र झा, हिउँवाला गौतम लगायतको अभिनय छ । कोरोना महामारीका कारण फिल्मको प्रदर्शनमा ढिलाइ भएको हो ।