दाङमा एक वृद्ध घर नजिकै मृत भेटिए

२ साउन, दाङ । दाङको राप्ती गाउँपालिका-२ बराखुट्टीका ७७ वर्षका शिवलाल जिसी घर नजिकै मृत अवस्थामा फेला परेका छन् ।

सोमबार विहान ९ बजेतिर मकैबारीमा घर्तीको शव देखेपछि स्थानीयले प्रहरीलाई खबर गरेका थिए ।

प्रहरी कार्यालय भालुवाङका प्रहरी प्रमुख सुजनविक्रम शाहीका अनुसार घर्ती असार ३० गते घरबाट वडा कार्यालय जाने भनेर निस्किएका थिए । आइतबार घर्तीका परिवारले उनको खोजी गरिदिन भन्दै प्रहरी कार्यालयमा निवेदन दिएका थिए ।

घर्तीको मृत्युको यकिन कारण नखुले पनि मादकपदार्थ सेवन गरेर लड्दा मृत्यु भएको हुन सक्ने प्रहरीको अनुमान छ । घटनाबारे थप अनुसन्धान भइरहेको प्रहरीले बताएको छ ।