अर्थमन्त्रालय फर्किने नफर्किने जनार्दनजीको रुचिमा भर पर्छ : वर्षमान पुन

१३ साउन, काठमाडौं । नेकपा माओवादी केन्द्रका नेता वर्षमान पुनले पूर्व अर्थमन्त्री जनार्दन शर्मा फेरि अर्थमन्त्री बन्ने नबन्नेबारे उनकै रुचिमा भर पर्ने बताएका छन् ।

संसदीय छानबिन विशेष समितिले बजेटमा करको दर हेरफेरमा अनधिकृत व्यक्ति प्रवेशको प्रभाव नदेखिएको निष्कर्ष निकालेपछि अनलाइनखबरसँग कुराकानी गर्दै नेता पुनले शर्माको रुचिले नै उनी मन्त्रालय फर्किने नफर्किने टुंगो लाग्ने बताएका हुन् ।

उनले यसबारे पार्टीमा भोलि नै छलफल गरेर निष्कर्षमा पुग्ने बताए । ‘अहिलेसम्म हाम्रो सल्लाह भएको छैन,भोलि उहाँसँग पनि कुरा गर्छाैं, पार्टीमा नि छलफल गरेर एउटा निचोडमा पुग्छौं,’ पुनले भने ।

यो पनि पढ्नुहोस

संसदीय समितिको निष्कर्ष : करको दर निर्धारणमा अनधिकृत व्यक्तिको प्रवेश देखिएन