फिल्म ‘सरी मम’को प्रदर्शनमा नेपाल जेसिजले सघाउने

काठमाडौं । लागूऔषध दुर्व्यसन विरुद्धको कथावस्तुमा आधारित फिल्म ‘सरी मम’को प्रदर्शनमा नेपाल जेसिजले सघाउने भएको छ । जेसिजका १७४ वटै शाखाले लागूऔषध विरुद्धको अभियानको रुपमा फिल्मलाई प्रचार गर्ने सम्झौता भएको छ ।

सामाजिक कथावस्तुमा निर्माण गरिएको फिल्मले लागूऔषधको कुलतको विषयमा जनचेतना जगाउन भूमिका खेल्ने निर्माण टिमको विश्वास छ ।

जेसिजसँगको सहकार्यमा लागूऔषध अभियानका दौरान फिल्म सातै प्रदशेमा प्रदर्शन गर्ने समेत जनाइएको छ ।

नवीन बोगटीको निर्देशन रहेको ‘सरी मम’मा सरोज खनाल, सरिता लामिछाने, विजय लामा, एलिस राई, रेजिना मगर लगायतको अभिनय रहेको छ ।