+
+

सर्वोच्चले न्याय परिषदसँग माग्यो न्यायाधीश साहको नियुक्ति र बर्खास्तीको निर्णय

अनलाइनखबर अनलाइनखबर
२०७९ साउन २३ गते १९:३१

२३ साउन, काठमाडौं । सर्वोच्च अदालतले न्यायाधीश रेणुका साहलाई उच्च अदालतमा नियुक्त गर्ने र पदबाट हटाउने न्याय परिषदको दुईवटै निर्णय झिकाउने आदेश दिएको छ ।

सोमबार न्यायाधीश नहकुल सुवेदीको एकल इजलासले साहलाई नियुक्त गर्ने न्याय परिषदको २०७५ चैत १९ को निर्णय र उनलाई पदबाट हटाउने परिषदकै २०७९ असार २४ गतेको निर्णय झिकाउन आदेश दिएको हो ।

अदालतमा दर्ता भएका निवेदनहरुमाथि सामान्यतयाः कारण देखाउ आदेश जारी गर्ने प्रचलन रहेकोमा सर्वोच्च अदालतले साहको निवेदनमा कारण देखाउ आदेश जारी नगरी न्याय परिषदबाट भएको नियुक्ति र बर्खास्तको निर्णय माग गरेको हो ।

सर्वोच्चले अधिवक्ता सल्लु तिवारीविरुद्ध न्यायपरिषदसमेत भएको सर्वोच्चकै २०७६ जेठ २६ गतेको निर्णयको सक्कल मिसिल पनि अभिलेख शाखाबाट मगाएको छ ।

करिब ३ वर्ष उच्च अदालतको न्यायाधीशका रुपमा काम गरिसकेपछि साहलाई २४ असारको न्याय परिषदको बैठकले योग्यता नै नपुगी नियुक्ति लिएको ठहर गर्दै पदबाट हटाउन सिफारिस गरेको थियो । न्याय परिषदको उक्त निर्णयविरुद्ध न्यायाधीश साहले सर्वोच्चमा रिट दिएकी थिइन् ।

उच्च अदालत तलुसीपुरको बुटबल इजलासमा कार्यरत न्यायाधीश साहले कानुनमन्त्री गोविन्द बन्दीले आफूमाथि प्रतिशोध साधेको आरोप लगाएकी छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?