२४ साउन, काठमाडौं । नेकपा एकीकृत समाजवादीका सांसद सोमप्रसाद पाण्डेले आफ्नो पार्टीले शेरबहादुर देउवालाई प्रधानमन्त्री बनाउन खेलेको भूमिकाको मूल्यांकन गरेर आगामी निर्वाचनको सिट बाँडफाँट हुनुपर्ने बताएका छन् ।
मंगलबार संघीय संसद भवन नयाँ बानेश्वरमा पत्रकारहरुसँग कुरा गर्दै उनले सिट बाँडफाँट गर्दा वर्तमान सरकार गठनका लागि आफूहरुले खेलेको भूमिकाको कदर गर्नुपर्ने बताएका हुन् ।
एकीकृत समाजवादीले सहयोग नगरेको भए देउवा प्रधानमन्त्री बन्न सक्ने स्थिति नै नरहेको पनि सांसद पाण्डेले बताए । ‘शेरबहादुर देउवालाई प्रधानमन्त्री बनाउँदा माधव नेपालको पार्टीले गरेको सहयोगको पनि मूल्यांकन हुनुपर्छ । गठबन्धनलाई यहाँसम्म पु¥याउने कुराको पनि मूल्यांकन गरेर सिट बाँडफाँट हुनुपर्छ’ उनले भने ।
सिट बाँडफाँटमा सुरुमा वादविवाद भए पनि सहमति जुट्ने पनि सांसद पाण्डेले बताए । ‘आफ्नो आफ्नो पार्टीको जोडबल त रहन्छ नै, जुन उद्देश्य र समयको आवश्यकतालाई पूरा गर्ने गरेर गठबन्धन गरेका थियौं, गठबन्धनभित्र रहेका दलमा आपसी समझदारी हुन्छ’ उनले भने, ‘सबैले आफ्नो अडान लिएर बस्ने खालको अवस्था पनि रहँदैन ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया 4