रायन गिग्सले दास बनाएको पूर्व प्रेमिकाको दाबी

२६ साउन, काठमाडौं । म्यानचेष्टर युनाइटेडका पूर्व खेलाडी रायन गिग्सकी पूर्व प्रेमिकाले गिग्सले आफूलाई दास बनाएको बयान दिएकी छिन् । पूर्व प्रेमिकाले गिग्सको ‘हरेक आवश्यकता र मागको दास’ हुनुपरेको अदालतमा बयान दिएकी हुन् ।

म्यानचेस्टर युनाइटेडका पूर्व स्टार तथा वेल्सका पूर्व प्रशिक्षक ४८ वर्षीय गिग्समाथि केट ग्रेभिल र उनकी कान्छी बहिनी एम्मामाथि नियन्त्रण र आक्रमण गरेको आरोपमा मुद्दा चलिरहेको छ ।

सोधपुछको क्रममा ग्रेभिलले म्यानचेस्टर क्राउन कोर्टलाई भनिन्, ‘उनले जे भन्यो मैले त्यही गर्नुपर्ने जस्तो बनाएको थियो, अन्यथा नतिजा भोग्नुपर्थ्यो ।’

ग्रेभिलले ६ वर्षको सम्बन्ध अत्यन्तै भयानक रहेको बताएकी छन् । ग्रेभिलले नोभेम्बर २०२० मा भएको कथित हमलापछि पुलिसलाई धेरै साक्षीको बयान दिएकी थिइन् । जसमा पछिल्लो दुई हप्ताको पनि सामेल छ ।

गिग्सले भने सबै आरोप अस्वीकार गरेका छन् । गिग्सको प्रतिनिधित्व गर्दै क्रिस डा क्यूसीले सोधे, ‘ती बयानहरूको क्रममा, तपाईंले पुलिसलाई सम्पूर्ण सत्य बताउनुभयो ?’

ग्रेभिलले ‘शतप्रतिशत’ भन्दै जवाफ दिइन् । उनले सेप्टेम्बर २०१७ मा दुबईमा दम्पती बीचको बहस ‘झूटको पूर्ण प्याक’ भएको दाबीलाई पनि अस्वीकार गरिन् ।

गिग्सले उनलाई एक होटलको कोठाको भुइँमा नग्न रुपमा तानेको र उनीसहित उनको सामानहरु फालेको र हातमा चोट लागेको दाबी गरेकी छन् ।

उनले त्यतिबेला लज्जित हुने डरले यस घटनाबारे कसैलाई नभनेको र त्यसपछि सन्देश आदाननप्रदाननमा ‘म तिमीलाई माया गर्छु मेरो सुन्दर मानिस’ भनेको कुरा साँचो भएको बताएकी छन् ।

गिग्सलाई अगस्ट २०१७ देखि नोभेम्बर २०२० बीच ग्रेभिल विरुद्ध नियन्त्रण र जबरजस्ती व्यवहार गरेको आरोप लगाइएको छ । गिग्समाथि १ नोभेम्बर २०२० मा ग्रेटर म्यानचेस्टरको वर्स्लेमा रहेको उनको घरमा ग्रेभिललाई आक्रमण गरेको, उनको शरीरमा हानि पुर्‍याएको र एम्मा ग्रेभिललाई सामान्य आक्रमण गरेको आरोप पनि लगाइएको छ ।

उनीहरु दुई जनासँगै हुँदा गिग्सको अरु ८ जना महिलासँग पनि सम्बन्ध रहेको ग्रेभिलले बताएकी छन् । आफ्नो सम्बन्धको सुरुवाती साढे चार वर्ष राम्रो रहे पनि त्यसपछिका साढे एक वर्ष सुखद नभएको उनले बताएकी छन् ।