फिफाको माग अनुसार काम पूरा, भारतीय फुटबलको निलम्बन छिट्टै हट्ने

६ भदौ, काठमाडौं । भारतीय फुटबल महासंघ एआईएफएफमा बाहिरी हस्तक्षेप भएको भन्दै अन्तर्राष्ट्रिय फुटबल महासंघ फिफाले गरेको निलम्बन छिट्टै हट्ने भएको छ ।

न्यायाधीश डीवाई चन्द्रचुडको इजलासल प्रशासकीय समिति खारेज गर्दै भारतीय फुटबल महासंघको दैनिक व्यवस्थापन कार्यवाहक महासचिवको नेतृत्वमा एआईएफएफको प्रशासनले नै हेर्ने आदेश दिएको थियो ।

अदालतले एआईएफएफको २८ अगष्टमा हुने भनिएको चुनाव एकहप्ता पछाडि सारेको छ । चुनावको मतदाता सूचीमा पनि राज्य र केन्द्रका प्रतिनिधि मात्र सामेल हुने गरी जम्मा ३६ सदस्य हुने व्यवस्था गरिएको छ ।

फिफाले प्रशासकीय समितिको प्रभाव पूर्ण रुपमा हटेपछि मात्र भारतीय फुटबलमााथिको निलम्बन फुकुवा गर्ने बताएको थियो । जस अनुसार अदालतको आदेशले प्रशासकीय समितिको प्रभाव हटेकाले भारतीय फुटबलमाथि लागेको निलम्बन हट्ने सम्भावना प्रबल रहेको भारतीय सञ्चार माध्यमले जनाएका छन् ।

यो पनि पढ्नुहोस