नेपालमा विदेशी लगानीको न्यूनतम सीमा २ करोडमा झारियो

२८ असोज, काठमाडौं । सरकारले नेपालमा प्रत्यक्ष विदेशी लगानीको न्यूनतम सीमा २ करोड रुपैयाँमा झारेको छ । यसअघि ५ करोड रुपैयाँ रहेको सीमा २ करोडमा झार्ने निर्णय भएको सरकारका प्रवक्ता सूचना तथा सञ्चार प्रविधिमन्त्री ज्ञानेन्द्रबहादुर कार्कीले जानकारी दिए ।

शुक्रबार बसेको मन्त्रीपरिषद् बैठकले यस्तो निर्णय गरेको हो । नेपालमा विदेशी लगानीको अधिकतम सीमा भने तोकिएको छैन ।

सरकारको पछिल्लो निर्णयले साना तथा मझौला उद्योगमा समेत अब विदेशी लगानी भित्राउन सम्भव भएको छ ।