युनिलिभरका सेयरधनीले प्रतिकित्ता १२१५ रुपैयाँ लाभांश पाउने

१७ कात्तिक, काठमाडौं । युनिलिभर नेपाल लिमिटेडले लाभांश घोषणा गरेको छ । १६ कात्तिकमा बसेको कम्पनी सञ्चालक समितिको बैठकले गत आर्थिक वर्ष २०७८/७९ को मुनाफाबाट सेयरधनीहरुलाई वितरण गर्ने लाभांश घोषणा गरेको हो ।

कम्पनीले आर्थिक वर्ष २०७८/७९ को मुनाफाबाट सेयरनीलाई प्रतिकित्ता १ हजार २१५ रुपैयाँ नगद लाभांश वितरण गर्ने प्रस्ताव गरेको छ ।

बैठकले प्रस्तावित लाभांशको लागि ४ मंसिरदेखि २० मंसिरसम्म बुकक्लोज गर्ने निर्णय पनि गरेको छ । यसअनुसार १ मंसिर गतेसम्म नेप्सेमा कारोबार भइ कायम सेयरधनीहरुले लाभांश प्राप्त गर्न सक्नेछन् ।

भने साधारणसभामा पनि सोही मितिसम्म कायम सेयरधनीले सहभागी हुन सक्नेछन् । आर्थिक वर्ष २०७७/७८ को मुनाफााबाट प्रतिकित्ता ६५० रुपैयाँ नगद लाभांश वितरण गरेको कम्पनीले गत आर्थिक वर्षको नाफाबाट लाभांश करिब शतप्रतिशतले नै वृद्धि गरेको छ ।