सुनको मूल्य घट्यो, चाँदीको स्थिर

२७ मंसिर, काठमाडौं । मंगलबार सुनको मूल्य घटेको छ भने चाँदीको मूल्य स्थिर रहेको छ ।
नेपाल सुनचाँदी व्यवसायी महासंघका अनुसार सुनको मूल्य तोलामा २ सय रुपैयाँ घटेको छ ।

मंगलबार छापावाल सुनको प्रतितोला मूल्य १ लाख र तेजावी सुन ९९ हजार ५ सय रुपैयाँमा कारोबार भइरहेको छ । सोमबार छापावाल सुनको प्रतितोला मूल्य १ लाख २ सय र तेजावी सुनको मूल्य ९९ हजार ७ सय रुपैयाँ तोकिएको थियो ।

मंगलबार चाँदीको मूल्य भने सोमबारकै मूल्य १ हजार ३९० (प्रतितोला) रुपैयाँमा कारोबार भइरहेको महासंघले जनाएको छ ।