बुटवल पावरले १२.५ प्रतिशत लाभांश दिने

३० पुसमा साधारणसभा

अनलाइनखबर

२०७९ पुष ८ गते १२:५८

८ पुस, काठमाडौं । बुटवल पावर कम्पनीले १२.५ प्रतिशत लाभांश वितरण गर्ने भएको छ । बिहीबार बसेको सञ्चालक समितिको बैंठकले सेयरधनीलाई आर्थिक वर्ष २०७८/७९ को मुनाफबाट उक्त लाभांश प्रस्ताव गरेको हो ।

कम्पनीले प्रस्तावित लाभांशमध्ये हाल कायम चुक्ता पूँजीको ५ प्रतिशत बोनस सेयर र ७.५ प्रतिशत नगद लाभांश वितरण गर्ने जनाएको छ ।

कम्पनीले प्रस्तावित लाभांश पारित गर्न ३० पुसमा साधारणसभा आह्वान गरेको छ । साधारणसभाको लागि १८ पुसदेखि ३० पुससम्म सेयरधनी दर्ता किताब बन्द रहने कम्पनी जनाएको छ । जसअनुसार १७ पुससम्म कायम सेयरधनीले मात्रै कम्पनीको प्रस्तावित लाभांश प्राप्त गर्नेछन् । यस्तै सोही मितिसम्म कायम सेयरधनी साधारणसभामा सहभागी हुन सक्नेछन् ।

कम्पनीको प्रस्तावित लाभांश ३० पुसमा हुने वार्षिक साधारणसभाबाट पारित भएपछि सेयरधनीमा वितरण हुनेछ ।