अल नासरको प्रष्टोक्तिः रोनाल्डोको साउदी आगमन विश्वकप आयोजनासँग सम्बन्धित छैन

२७ पुस, काठमाडौं । क्रिष्टियानो रोनाल्डोको नयाँ क्लब अल नासरले आफूसँग उनको सम्झौतामा साउदी अरबले सन् २०३० को विश्वकप आयोजना दावी गर्दा सहयोग गर्ने कुनै प्रतिबद्धता सामेल नभएको प्रष्ट पारेको छ ।

रोनाल्डोलाई क्लब फुटबलका अलावा आफ्नो विश्वकप आयोजना दावीमा समर्थन लिनका लागि पनि २०० मिलियन यूरो खर्च गरिएको समाचारहरुमा दावी गरिएको थियो ।

‘यो सम्झौता विश्वकप आयोजना अधिकारसँग सम्बन्धित छैन,’ तर, क्लबले भनेको छ, ‘उनको मुख्य धन अल नारामाथि हुनेछ र क्लबलाई सफल बनाउन आफ्ना टिममेटहरुसँग काम गर्नेछन् ।’

पोर्चुगलका यी कप्तान गत नोभेम्बरमा एक विवादास्पद अन्तर्वार्तापछि म्यानचेस्टर युनाइटेड छाड्न बाध्य भएका थिए । उनी फ्री एजेन्टमार्फत साउदी टिममा सामेल भएका थिए ।

उनले २२ जनवरीमा इत्तिफाकसँगको खेलमार्फत अल नासरबाट डेब्यू गर्नेछन् । त्यसअघि लियोनल मेस्सीको पेरिस सेन्ट जर्मेइनसँगको प्रदर्शनी खेलमा पनि सामेल हुनसक्छन् ।

साउदी अरबले ग्रीस र इजिप्टसँग मिलेर सन् २०३० को फिफा विश्वकप आयोजना दावी पेश गर्नेबारे योजना बनाइरहेको छ ।