+
+

आई लिगमा अन्जनको डेब्यु, टिम भने पराजित

अनलाइनखबर अनलाइनखबर
२०७९ माघ १५ गते १९:४१

१५ माघ, काठमाडौं । नेपाली राष्ट्रिय फुटबल टिमका सदस्य अन्जन विष्टले भारतको दोस्रो श्रेणीको लिग आई-लिगमा डेब्यु गरेका छन् ।

अन्जनले आइतबार मुम्बई केन्क्रेका लागि खेल्दै आई लिगमा डेब्यु गरे ।

तर उनको डेब्यु खेल सुखद रहेन । अन्जनले पूरा ९० मिनेट मैदानमा बिता एपनि केन्क्रे साविक विजेता गोकुलम केरलासँग १-० ले पराजित भयो ।

गोकुलमका लागि सर्जियो मेन्डीले २१औं मिनेटमा गोल गरे । गोकुलमका राहुल राजु ५५औं मिनेटमा रातो कार्ड पाउँदै मैदान बाहिरिएपछि १० खेलाडीमा सिमित भएको थियो । तर केन्क्रेले त्यसको फाइदा उठाउन सकेन ।

गोकुलमसँग पराजित भएपछि रेलिगेसन जोनमा रहेको केन्क्रेलाई दबाब बढेको छ । १४ खेल खेल्दा जम्मा ३ खेल जितेको केन्क्रे १३ अंकसहित ११औं स्थानमा छ ।

मनाङ मर्स्याङ्दी क्लब छाडेर ए डिभिजनको नवप्रवेशी चर्च ब्वाइज युनाइटेडमा आबद्ध भएका अन्जन क्लबको सहमतिमा आई लिग खेल्न गएका हुन् ।

यस सिजनको आई लिग सकिएपछि अन्जन शहीद स्मारक ए डिभिजन लिग खेल्न नेपाल फर्कनेछन् ।

जारी आई लिग आगामी मार्च २ मा सकिनेछ । नेपालमा ए डिभिजन लिग मार्च ३ अर्थात फागुन १९ गतेदेखि सुरु हुनेछ ।

सन् २०१४ फिलिपिन्स विरुद्ध खेल्दै राष्ट्रिय टिममा डेब्यु गरेका अन्जनले नेपालको राष्ट्रिय ५२ खेलमा ११ गोल गरेका छन् ।

नेपाली राष्ट्रिय टिमका गोलकिपर किरण कुमार लिम्बु पनि आई लिगमा राउण्डग्लास पञ्जावबाट खेलिरहेका छन् ।

Results

२०८० माघ १८, बिहीबार
2 - 1
२०८० माघ १७, बुधबार
1 - 0
२०८० माघ १६, मंगलबार
1 - 0
२०८० माघ १५, सोमबार
1 - 1
२०८० माघ १४, आइतबार
0 - 3
२०८० माघ १३, शनिबार
0 - 2
२०८० माघ १२, शुक्रबार
2 - 0
२०८० माघ ११, बिहीबार
0 - 1
२०८० माघ १०, बुधबार
0 - 1
२०८० माघ ९, मंगलबार
1 - 2
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?