बाघको आक्रमणबाट घाँस काट्न गएकी महिला घाइते

२५ माघ, हेटौंडा । मकवानपुरको रामधुनी सिमसारमा घाँस काट्न गएकी एक महिला बाघको आक्रमणमा परेर घाइते भएकी छिन् ।

हेटौंडाको रामधुनीकी ५७ वर्षीय मइतीकुमारी बयलकोटी रहेको प्रहरीले जनाएको छ । ढाड, निदार र ओठमा चोट लागेकी उनको हेटौंडामा उपचार भइरहेको छ ।

उक्त क्षेत्रमा केही दिनदेखि घरपालुवा जनावर बाख्रा, सुँगुरगाई निरन्तर बाघले आक्रमण गरिरहेको स्थनीयबासिन्दाले बताएका छन् ।