लागूऔषध सेवन गरेर सवारीसाधन चलाएको आरोपमा ३ जना पक्राउ

२७ माघ, काठमाडौं । उपत्यका ट्राफिक प्रहरी कार्यालयले लागूऔषध सेवन गरेर सवारीसाधन चलाएको आरोपमा तीन जनालाई नियन्त्रणमा लिएको छ ।

पक्राउ पर्नेमा पिकअप जीपका चालक गणेश कार्की, मोटरसाइकल चालक अंकित भट्टराई र सुमन रावत छन् ।

नेपाल प्रहरी अस्पतालको प्राविधिक सहयोगमा ट्राफिक प्रहरी कार्यालय, लागूऔषध नियन्त्रण ब्यूरो र प्रहरी प्रभाग बूढानीलकण्ठले गरेको आकस्मिक चेकजाँचमा ३ जनाले लागूऔषध सेवन गरेको पाइएको प्रहरीले जनाएको छ ।

पक्राउ परेकाहरुलाई थप अनुसन्धान र कारबाहीका लागि प्रहरी वृत्त, महाराजगञ्ज पठाइएको ट्राफिक प्रहरीका प्रवक्ता एसएसपी राजेन्द्रप्रसाद भट्टले बताए ।