घरको फलामे गेट खस्दा च्यापिएर जनकपुरधाममा एक बालकको मृत्यु

१२ फागुन, जनकपुरधाम। घरको फलामे गेट खस्दा च्यापिएर जनकपुरधाममा एक बालकको मृत्यु भएको छ ।

मृत्यु हुनेमा जनकपुरधाम उपमहानगरपालिका–११ बस्ने आलम राइनका ३ वर्षीय छोरा अलि हुसैन छन् ।

सडकमा खेलिरहेको बेला बालक बाबा पेट्रोल पम्पका सञ्चालक विष्णुदेव साहको घरको फलामे गेट खसेर च्यापिएर मृत्यु भएको जिल्ला प्रहरी कार्यालय धनुषाले जनाएको छ ।

मृतक बालकका आफन्त आक्रोशित हुँदै साहको घर तोडफोड गर्ने प्रयाससमेत गरेका थिए । तर, प्रहरीले रोकेका थिए । घटना विषयमा थप अनुसन्धान भइरहेको प्रहरीले जनाएको छ ।