+
+

लिग टु खेल्न नेपाली क्रिकेट टोली युएई प्रस्थान

अनलाइनखबर अनलाइनखबर
२०७९ फागुन १३ गते १७:२८

१३ फागुन, काठमाडौं । आईसीसी क्रिकेट विश्वकप लिग टू अन्तर्गत आफ्नो आठौं शृंखला खेल्न नेपाली राष्ट्रिय क्रिकेट टोली युएई प्रस्थान गरेको छ ।

नेपाली टोली शनिबार साँझ युएई उडेको हो । यही फागुन १५ देखि २१ गतेसम्म हुने लिग टु शृंखलामा नेपालले घरेलु टोली युएईसहित पपुवा न्यूगिनीसँग खेल्नेछ ।

हरेक टिमले एक आपसमा दुई-दुई खेल खेल्नेछन् ।

लिग टु को शीर्ष तीनमा रहेर सिधै वान डे विश्वकपको क्वालिफायरमा पुग्ने होडमा रहेका नेपाल र युएईका लागि यो शृंखला महत्वपूर्ण छ ।

युएईमा खेलेपछि यी तीन टोलीले काठमाडौं आएर लिग टु को अन्तिम शृंखला खेल्नेछ ।

युएईमा हुने शृंखलाका लागि रोहित पौडैलको कप्तानीमा १५ सदस्यीय टोलीमा प्रतिश जिसी र श्याम (मौसम) ढकाल नयाँ अनुहारको रुपमा छन् ।

 

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?