२०८२ वैशाख ३० गते १८:१२ 
३० वैशाख, काठमाडौं । प्लानिङ ब्वाइज युनाइटेड दुई खेलअगावै ए डिभिजन लिगमा बढुवा भएको छ ।
सातदोबाटोस्थित एन्फा कम्प्लेक्समा मंगलबार सम्पन्न खेलमा बाँसबारी क्लबलाई २–० ले पराजित गर्दै प्लानिङले शीर्ष डिभिजनको उडान भरेको हो ।
जितपछि प्लानिङले ११ खेलबाट २७ अंक जोडेको छ । बाँसबारीको समान खेलबाट १५ अंक छ ।
प्लानिङको जितमा पुजन थापाले एक गोल गरे भने अर्को एक गोल आत्मघाती उपहार पायो ।
खेलको पहिलो हाफ गोलरहित बराबरी सकिएको थियो । दोस्रो हाफको दोस्रो मिनेटमा बाँसबारीका सन्दीप राउतले आत्मघाती गोल गरेपछि प्लानिङले अग्रता बनाएको थियो ।
पुजनले ८१औं मिनेटमा गोल गर्दै प्लानिङको जित पक्का गरे ।
प्रतिक्रिया 4