आर्सनल र सिटी विजयी, लिभरपुल बराबरीमा रोकियो

१४ फागुन, काठमाडौं । प्रिमियर लिगमा शनिबार शीर्ष क्लबहरु आर्सनल र म्यनचेष्टर सिटी विजयी भएका छन् । लिभरपुल भने बराबरीमा रोकिएको छ ।

शीर्ष स्थानको आर्सनलले घरेलु मैदानमा लेस्टर सिटीलाई १-० ले हराएर महत्वपूर्ण ३ अंक जोड्यो । आर्सनलका लागि गाब्रीएल मार्टिनेलीले ४६औं मिनेटमा गोल गरे ।

जितपछि आर्सनलले दोस्रो स्थानको सिटीममथि ५ अंकको अग्रता बनाएको थियो । तर सिटीले केही घण्टापछि नै एएफसी बर्नमाउथलाई ४-१ ले पराजित गर्दै अंक दूरी २ मा झार्‍यो ।

२४ खेलबाट आर्सनलले ५७ अंक जोडेको छ । एक खेल बढी खेलेको सिटीको ५५ अंक भएको छ ।

सिटीले पहिलो हाफमै तीन गोल गरेको थियो । जुलियन अल्भारेजले १५औं,  एर्लिन हालान्डले २९औं र फिल फोडेनले ४५औं मिनेटमा गोल गरे । यस गोलसँगै हालान्ड सिटीका लागि एकै सिजनमा सर्वाधिक गोल गर्ने खेलाडी बनेका छन् । जारी लिगमा उनको यो २७औं गोल हो । यसअ३ २०१४-१५ को सिजमा सिटीङ्का सर्जियो अगुएरोले २६ गोल गरेका थिए ।

दोस्रो हाफमा बर्नमाउथका क्रिस मेपहामले आत्मघाती गोल गरे ।

अर्को खेलमा लिभरपुल क्रिस्टल प्यालेसँग गोलरहित बराबरीमा रोकियो । बराबरीपछि २३ खेलबाट ३६ अंक जो८को लिभरपुल सातौं स्थानमा छ ।